.png)
Presidentja e Komisionit Evropian, Ursula von der Leyen, deklaroi se mbyllja e Ngushticës së Hormuzit ka rënduar ndjeshëm faturën energjetike të Bashkimit Evropian, duke shkaktuar një kosto shtesë prej 127 miliardë eurosh për importet e naftës dhe gazit.
Gjatë fjalës së mbajtur në samitin “WinWin Brussels Summit” në Bruksel, kushtuar sipërmarrjeve të reja, Von der Leyen theksoi se ndërprerja e qarkullimit në këtë rrugë të rëndësishme detare ka sjellë pasoja të konsiderueshme ekonomike për vendet evropiane.
“Evropa ka shpenzuar 127 miliardë euro më shumë për importin e lëndëve djegëse fosile, pa përfituar asnjë sasi shtesë energjie. E gjithë kjo kosto është pasojë e mbylljes së Ngushticës së Hormuzit”, u shpreh ajo.
Von der Leyen nënvizoi gjithashtu se varësia nga importet e energjisë e bën Evropën më të ndjeshme ndaj krizave ndërkombëtare.
“Kur importojmë naftë dhe gaz, bashkë me to rrezikojmë të sjellim edhe pasojat e krizave dhe tronditjeve ndërkombëtare”, tha presidentja e Komisionit Evropian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje