.png)
Gazeta Si – Policia e Pogradecit ka arrestuar Edison Agollin, 22-vjeçarin e shpallur në kërkim për bashkëpunim me vëllain e tij dhe 2 persona të tjerë, të cilët tentuan të vrisnin Brian Syzon disa javë më parë.
Në pranga ka rënë edhe vetë i plagosuri Syzo, pasi ndaj tij Gjykata e Apelit ka lënë në fuqi vendimin e shkallës së parë në vitin 2023 për dënim me 3 vite e 4 muaj burg për shitjen e lëndëve narkotike.
Edison Agolli akuzohet për veprën penale të “vrasjes me paramendim e kryer për interes, hakmarrje” e mbetur në tentativë, kryer në bashkëpunim.
Njëkohësisht, krahas ngjarjes së ndodhur në Pogradec, arrestimi i Agollit lidhet edhe me vendosjen e kamerës në afërsi të IEVP Drenovë për të parë lëvizjet e Syzos.
Më herët në pranga kanë rënë Nikolla Agolli dhe shoku i tij David Prifti. Ndërsa në kërkim është ende Meardi Berberi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje