.png)
Gazeta Si – Tre persona u arrestuan, një u procedua dhe një tjetër u shpall në kërkim, në lidhje me konfliktin me mjete të forta dhe me thikë të ndodhur dje hyrjen e një parkimi të një pallati, në rrugën “Frosina Plaku” në kryeqytet.
Sipas policisë, të arrestuarit janë Luciano Nurçja, Albert Lika dhe Enea Kurti, ndërsa shkak i konfliktit u bë parkimi i makinës.
Ata akuzohen për veprën penale “plagosje e rëndë me dashje” pasi dyshohet se dhunuan dhe plagosën me thikë 33-vjeçarin A.I., i cili po merr trajtim mjekësor në Spitalin e Traumës.
Policia procedoi penalisht edhe të riun e plagosur. Materialet procedurale iu referuan Prokurorisë, për veprime të metejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje