.png)
Revolta qytetare kundër qeverisë ka hyrë sot në ditën e 13-të, ndërsa mijëra qytetarë janë mbledhur sërish duke kërkuar largimin e kryeministrit Edi Rama.
Protestuesit po tregojnë vendosshmëri duke deklaruar se nuk do të tërhiqen deri në plotësimin e kërkesave të tyre. Pasi mbaroi takimi i PS për 35 vjetorin, protestuesit janë përplasur me mbështetësit e PS që ishin pjesë e festës së organizuar disa metra më tej.
Më herët aktivistët u kanë bërë thirrje protestuesve të mos bien pre e provokimeve dhe të mos i bashkohen mitingut të PS-së në sheshin “Italia”, aty ku po mbahej 35-vjetori i themelimit të PS.
Me pankarta në duar dhe duke brohoritur thirrjet kundër klasës politike, qytetarët kanë qëndruar për orë të tëra në shesh.
Thirrjet e tyre të vazhdueshme janë “Rama jep dorëheqjen”, “Rama në burg, Berisha në burg ndërsa kanë artikuluar një sërë shqetësimesh që lidhen me qeverisjen, problemet në sistemin shëndetësor, korrupsionin, koston e jetesës dhe çështje të tjera sociale e ekonomike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje