.png)
Gazeta Si – Mirlinda Karçanaj, ish-drejtoresha e AKSHI-t e akuzuar për grup kriminal me biznesmenët e shpallur në kërkim Ergys Agasi e Ermal Beqiri si përfitues të miliona eurove të taksapaguesve shqiptarë, u paraqit sot në SPAK për zbatimin e masës së sigurisë.
Në dalje ajo u përball me gazetarët, të cilët e pyetën për përgjegjësitë e saj në institucionin që ajo drejtonte.
Por ish zyrtarja e lartë nuk pranoi të flasë, ndërsa avokatja e saj, teksa shtyu mikrofonat e gazetarëve tha se “kur të dojë do të flasë”.
E vetmja që ndërhyri ishte avokatja e saj, e cila i kërkoi gazetarëve që Karçanaj do të flasë kur ta shoh të arsyeshme. “A ndjeni përgjegjësi personale mbi atë se çfarë ka ndodhur me AKSHI-n? Zonja ka pretenduar se nuk e kemi pyetur për ngjarjen. A mund të na e sqaroni pozicionin tuaj?”, i drejtohen gazetarët Karçanajt, e cila zgjodhi të heshtë.
Pak ditë më parë, Gjykata e Lartë mori vendimin për të lehtësuar masën e sigurisë ndaj ish-drejtoreshës së Agjencisë Kombëtare të Shoqërisë së Informacionit (AKSHI), Mirlinda Karçanaj.
E hetuar nga Prokuroria e Posaçme (SPAK) për dyshime mbi shkelje të procedurave në tenderë publikë, Karçanaj ndiqet në një gjendje të lirë sigurie.
Karçanaj akuzohet për veprat penale “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje