.png)
Gazeta Si – Gjykata e Posaçme kundër Korrupsionit dhe Krimit të Organizuar (GJKKO) ka vendosur të zgjasë afatet e paraburgimit në lidhje me masën “arrest në shtëpi” ndaj ish-kreut të ARRSH-së Gentian Gjyli dhe ish-kreut të KESH-it Erald Elezi, për një periudhë kohe prej 3 muajsh.
Kështu, Gjyli dhe Elezi mbeten kështu në masën e sigurisë “arrest shtëpie”, pasi kërkesa e tyre për një masë më të lehtë u rrëzua.
Ndaj tyre janë ngritur akuzat “Shkelja e barazisë së pjesëmarrësve në tendera apo ankande publike” kryer në bashkëpunim, “Korrupsioni pasiv i personave që ushtrojnë funksione publike”, “Mashtrimi me pasoja të rënda” dhe “Falsifikim i dokumentave”, kryer në bashkëpunim, lidhur me çështjen e Tunelit të Llogarasë.
Për këtë dosje, është marrë e pandehur nga SPAK para disa muajsh edhe ish-zv-kryeministrja Belinda Balluku, e cila po hetohet në gjendje të lirë.
SPAK ka kërkuar për ata të dy, nga një deri në dy vite burg, ndërsa për ish-kreun tjetër të ARRSH-së, Evis Berberi, ka kërkuar 10 vite heqje lirie dhe pesë vite ndalim të mbajtjes së posteve publike.
Nga hetimet e kryera, SPAK gjeti në shkelje 8 procedura tenderash të zhvilluara në vitet 2020‑2022 në Agjencinë për Efiçencën e Energjisë dhe Autoritetin Rrugor Shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje