.png)
Nga Gazeta ‘Si’- Këtë të enjte skadoi afati për dorëzimin e kandidaturave që duan të bëhen pjesë e garës në zgjedhjet për kreun e Partisë Demokratike.
I vetmi kandidat në garë deri tani, është lideri historik i PD, Sali Berisha, i cili duket se do të jetë dhe kandidati i vetëm për drejtimin e Partisë Demokratike në 4 vitet e ardhshme.
Dera përfundimisht i është mbyllur Ervin Salianjit, aplikimi i të cilit nuk u pranua. Teksa vetë ndodhej në Londër, ai dërgoi përfaqësues në selinë blu, të cilët arritën vetëm t’i hidhnin dokumentet në recepsion, pasi çdo derë tjetër në seli ishte e kyçur e asnjë figurë e PD nuk ndodhej aty.
I njëjti fat ishte dhe për Evi Kokalarin dhe Alesia Balliun, aplikimi i asnjërës prej tyre nuk u pranua. Të tre i kanë dorëzuar dhe në rrugë elektronike, por nuk duket se këto përpjekje do të kenë një rezultat.
I vetmi aplikim i pranuar është ai i mjekes Mejreme Sela, ndërsa e vetmja kandidaturë e zyrtarizuar është ajo e Sali Berishës.
Sali Berisha thotë se Evi Kokalari nuk mund të jetë pjesë e garës pasi nuk është anëtare e Partisë Demokratike, një prej kritereve bazë. I njëjti argument vlen dhe për Alesia Balliun.
Në një reagim në rrjetet sociale Kokalari tha se për këtë garë PD-ja ka futur kritere të reja, duke përfshirë kërkesën e kontributit 10-vjeçar dhe aktivitetit zgjedhor.
Më tej ajo thotë se ato janë antikushtetuese dhe janë firmosur nga Albana Vokshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje