.png)
Gazeta Si – GJKKO dënon me 4 vite burg ish kryetarin e Bashkisë Finiq, Leonidha Hristo për abuzim me tenderët.
Por për shkak të gjykimit të shkurtuar, dënimi ndaj ish-zyrtarit lokal u ul në 2 vite. Hristo u shpall fajtor nga GJKKO për veprën penale “shpërdorim detyre”, për abuzim me tendera në vlerën 77 milionë lekë.
SPAK gjeti prova, si dhe dëshmi, përgjime e dokumentacione që faktojnë se në Bashkinë e Finiqit gjatë periudhës 2017-2019 u zhvilluan disa procedura fiktive prokurimi, që sipas organit të akuzës u sajua dokumentacioni pasi ishin shpallur fituesit e paracaktuar.
Të akuzuarit e tjerë për të cilët SPAK shpalli moskompetencën, po hetohen nga Prokuroria e Sarandës. Konkretisht bëhet fjalë për Florian Peri, Stavro Çavo, Lefteria Mekshi, Lefter Karajani.
Sipas SPAK, Hristo në bashkëpunim me zyrtarët e tjerë, gjatës periudhës 2017-2019 kanë zhvilluar disa procedura prokurimi në mënyrë fiktive dhe në kundërshtim me Ligjin për Prokurimet Publike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje