.png)
Gazeta Si – Gjykata e Posaçme ka refuzuar këtë të martë, më 7 prill, kërkesën e ish-ministrit të Shëndetësisë, Ilir Beqaj, për zëvendësim të masës së sigurisë, duke e lënë në “arres në burg”.
Beqaj kërkoi ndryshim të masës së sigurisë, duke ofruar garanci pasurore deri në 2 milionë lekë.
Mes argumenteve, ai solli një fragment nga vendimet e Strasburgut për kohën e mbajtjes në paraburgim, që sipas avokatit të tij, nuk është proporcionale dhe ka kaluar çdo afat procedural.
Në fillim të muajit korrik të vitit 2024, ish-ministri Ilir Beqaj, u arrestua me dyshimet se ishte përfshirë në korrupsion dhe fshehje të pasurisë gjatë kohës kur drejtonte agjencinë SASPAC, e cila koordinon fondet e Bashkimit Europian në vendin tonë.
Tre llogari bankare, 3 makina dhe disa aksione të një kompanie private u sekuestruan nga Prokuroria e Posaçme atë vit në kuadër të hetimeve për ish-ministrin Beqaj dhe 5 të tjerët e përfshirë në të njëjtën dosje.
Nga ana tjetër Beqaj është i pandehur edhe për dosjen mbi koncensionin e “Sterilizimit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje