.png)
Gazeta Si – Në kuadër të dosjes “AKSHI”, Gjykata e Lartë rrëzon kërkesën e Ervina Gjanës, zyrtares së lartë të policisë, e cila kërkonte kthimin e telefonave pas sekuestrimit nga SPAK.
Gjana, pasi u refuzua nga Shkalla e Dytë e gjyqësorit për të cilën vendosi t’i ktheheshin vetëm telefonat e fëmijëve, iu drejtua Gjykatës së Lartë për kthimin e 8 aparateve celulare.
SPAK, po në kuadër të hetimeve ndaj AKSHI-t, ka ushtruar kontrolle edhe në banesën e zyrtares, pasi sipas të raportimeve, bashkëshorti i saj rezulton të ishte shofer i bisnesmenit të shpallur në kërkim për dosjen “AKSHI”, Ergys Agasi. Bëhet fjalë për shtetasin Renato Hristic, i cili po ashtu është nën hetim nga struktura e posaçme.
Për këtë çështje, masa sigurie janë vendosur ndaj 7 personave, mes tyre ish-drejtoresha Mirlinda Karçanaj zv.drejtoresha, Hava Delibashi, ndërsa në kërkim vijojnë Ergys Agasi dhe Ermal Beqiri, të cilët SPAK i konsideron përfituesit kryesorë të tenderëve të AKSHI-t.
Sipas hetimeve, Agasi dhe Beqiri, bashkë me persona të tjerë, ushtronin presion dhe shantazh ndaj biznesmenëve për t’u tërhequr nga garat e tenderave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje