.png)
Prona ku u gjetën 1100 vazo kanabisi një ditë më parë në fshatin Kurtaj të njësisë administrative Gjocaj të Peqinit, është e vëllait të drejtorit të burgut të Peqinit Bilal Hasa.
Në një njoftim zyrtar, policia ka sqaruar më tej për operacionin që çoi në vetëdorëzimin e drejtorit të dhe më pas në lënien e tij të lirë.
“Nga veprimet hetimore të kryera rezultoi se ambientet ku u konstatua veprimtaria kriminale janë në pronësi dhe në administrim të vëllait të tij R. H.
Në vijim, B. H., është lënë i lirë, pasi nuk rezulton i implikuar në këtë veprimtari kriminale.”, sqaron Policia.
Mes të tjerash, uniformat blu në ambientin nëntokësor të përshtatur për kultivimin e bimëve narkotike, janë konstatuar 1105 vazo ku ishin kultivuar bimë e fidanë të dyshuar kanabis, si dhe pajisje të shumta elektrike që shërbenin për këtë veprimtari kriminale.
Në cilësinë e provës materiale u sekuestruan pajisje dhe materiale të përdorura, ndërsa pjesa tjetër e bimëve u asgjësua me anë të djegies.
Ndërkohë po ashtu është vënë në pranga një person për “Shpërdorim detyre” dhe u shpallën në kërkim 2 autorë të dyshuar (të afërm me njëri-tjetrin), si dhe 2 punonjës të OSHEE-së për “Shpërdorim detyre”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje