.png)
Gazeta Si – Gjykata e Tiranës ka liruar nga qelia këtë të martë protestuesit e arrestuar për protestën opozitare të së shtunës së kaluar.
Kështu, ndaj protestuesve L.M., R.D., D.R., si dhe S.R., u vendos masa e sigurisë “detyrim paraqitjeje” dy herë në muaj.
Protestuesit ishin arrestuar me dyshimin se kanë hedhur molotov dhe lëndë piroteknike në drejtim të Vilës 31, e njohur si vila e ish-diktatorit Enver Hoxha, në momentin kur brenda saj kishte vizitorë të huaj, duke rrezikuar jetën e tyre.
Po ashtu ata dyshohen se kanë hedhur molotov dhe lëndë piroteknike edhe në drejtim të punonjësve të policisë, gjatë protestës së të shtunës, të thirrur nga PD.
Si pasojë u shkaktuan dëmtime në këtë godinë, si dhe u dëmtuan 32 kosha mbeturinash të vendosura nga Bashkia Tiranë.
Të arrestuarit akuzohen për disa vepra penale, mes tyre “Goditjet për shkak të detyrës”, “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr” dhe “Kundërshtimi i punonjësit të rendit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje