.png)
Gazeta Si – Prokuroria e Fierit njofton se ka sekuestruar 10 pasuri të Saimir Taullaut, i njohur si rivali i Aldo Bares, kreut të “Bandës së Lushnjës”, i cili dyshohet se i ka vënë në mënyrë të paligjshme me burime kriminale.
Sipas njoftimit, është sekuestruar një godinë 2 kate, karburant dhe ambiente shërbimi, një tjetër godinë 5 katëshe.
Gjithashtu, i janë sekuestruar këtij shtetasi edhe apartamente e tokë arë. Pasuritë e paligjshme gjenden në Lushnjë dhe në Tiranë.
Aksioni ka ardhur menjëherë pas vendimit të Gjykatës së Fierit dhe bashkë me Policinë është bërë ekzekutimi.
“Kërkesa u bë bazuar në ligjin nr. 10192, datë datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë” dhe u pranua nga gjykata. Për rrjedhojë, u konfiskuan pasuritë e mëposhtme”, bën me dije organi i akuzës.
Taullau ka qenë i hetuar edhe gjatë operacionit “Forca e Ligjit” nga OFL gjashtë vite më parë, po për pasuritë.
Ndaj Saimir Taullaut janë bërë dy atentate, një në tetor të vitit 2017 dhe tjetri në nëntor të 2018, ku e qëlluan me armë pranë biznesit së tij në Lushnjë dhe për pasojë mbeti i plagosur në kokë.
Ndërsa në vitin 2005, u vra vëlla tjetër i tij, Baki Taullau. Për këtë vrasje, Saimir Taullau ka akuzuar grupin e Aldo Bares.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje