Policia ka identifikuar autorin e ngjarjes dhe ai është një 19-vjeçar tashmë në kërkim. Mësohet se uniformat blu po kryejnë kërkime për të gjetur shtetasin Robert P., i datëlindjes 1999 dhe deri më tani kanë kontrolluar banesën e prindërve, por edhe të afërmeve të tij.
Policia dyshon se 19-vjeçari kishte ngacmuar adolshenten dhe i dashuri i saj e ka goditur. Robert P., në shenjë hakmarrje ka qëlluar me armë çiftin që lëviznin me një mjet tip ‘Benz’. Policia ka ushtruar kontrolle në banesën e autorit të dyshuar dhe po punon për kapjen e tij.
Krimi i rëndë ndodhi të mërkurën rreth orës 18:17 në Laprakë. Çifti, në një lidhje prej pak javësh, ishte në mjetin tip ‘Benz A Class’ më targë AA 226 MS, ngjyrë gri, kur dy persona të maskuar hapën zjarr ndaj tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
