Në ditën e 54-të të protestës së tyre kundër shembjes së banesave për t’i hapur rrugë ndërtimit të “Unazës së Madhe” të Tiranës, banorët e “Astirit” kanë përpiluar 6 kërkesa, të cilat kërkojnë që qeveria t’i plotësojë me çdo kusht.
Banorët si çdo ditë bllokuan për rreth 1 orë qarkullimin e mjeteve në të dyja kahet e kalimit në aksin nga “Pallati me Shigjeta” te sheshi “Shqiponja” dhe bën thirrje kundër ministrit Damian Gjiknuri dhe kreut të ARRSH-së, Afrim Qendro.
Nga megafoni i protestës u njoftua se ditën e nesërme, banorët do ti bashkohen protestës së diasporës para Kryeministrisë, ndërsa deputeti i Partisë Demokratike, Klevis Balliu u bëri apel qytetarëve t’i bashkohen tubimeve të banorëve të “Unazës së Re”, pasi kauza e tyre është jetike.
6 KËRKESAT:
-Anulimi i projektit të Unazës së Madhe;
-Rifillimi i procesit të legalizimit për të gjitha banesat;
-Rregullimi i kushteve të transportit publik në kryeqytet;
-Ulja e çmimit të karburantit dhe rritja e cilësisë së tij;
-T’u jepen punonjësve të policisë rroga e 13 orët suplementare dhe pagesa e dietave;
-Plotësimi i kërkesave të studenteve dhe rrëzimi i ligjit të Arsimit të Lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
