.png)
Gazeta Si – Gjykata e Lartë ka rrëzuar rekursin e paraqitur nga prokuroria në procesin ndaj ish-gjyqtarit të Gjykatës së Lartë, Admir Thanza, duke lënë në fuqi vendimin e Apelit që e shpalli atë të pafajshëm.
Vendimi u dha nga Kolegji Penal i Gjykatës së Lartë, i cili konfirmoi se nuk qëndronin akuzat ndaj Thanzës për falsifikim dhe shkelje të ligjit të dekriminalizimit.
Ish-gjyqtari Thanza ishte vënë nën hetim dhe më pas ishte dënuar në shkallën e parë, me pretendimin se kishte fshehur një vendim të një gjykate italiane në deklarimet zyrtare.
Por në vitin 2022, Gjykata e Apelit e rrëzoi këtë vendim, duke e shpallur të pafajshëm dhe duke konkluduar se akuzat nuk ishin të provuara.
Tashmë, edhe Gjykata e Lartë ka vulosur përfundimisht pafajësinë e ish-gjyqtarit, duke hedhur poshtë pretendimet e Prokurorisë dhe duke mbyllur çështjen ndaj tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
