.png)
Gazeta Si – Gjykata e Posaçme ka rrëzuar kërkesën e gjyqtares Irena Gjoka për t’u larguar nga gjykimi i dosjes “Gërdeci”, ku nga shpërthimi i municioneve humbën jetë 26 persona në vitin 2008.
Zëvendës kryetari i GJKKO, Erjon Bani, pasi shqyrtoi kërkesën e Gjokës, vendosi që ta rrëzonte me arsyetimin se nuk ndodhet në kushtet e papajtueshmërisë.
Prokurori Klodian Braho relatoi një pjesë të provave shkresore që kërkoi të bëhen pjesë e shqyrtimit gjyqësor, ndërkohë seanca u shty në datë 9 dhjetor për të vijuar me këtë moment procedural.
Ndërsa më herët, GJKKO ka rrëzuar edhe kërkesën e avokatëve të ish-ministrit Fatmir Mediu për përjashtimin e Gjokës nga procesi gjyqësor për Gërdecin.
Procesi gjyqësor i dosjes ‘Gërdeci” ndodhet në fazën ku kanë përfunduar paraqitja e provave të SPAK, dhe pritet të nisë pyetja e dëshmitarëve të kërkuar nga mbrojtja.
Ish-ministri i Mbrojtjes, Fatmir Mediu akuzohet për “shpërdoim detyre” në bashkëpunim dhe “shpërdorim detyre në kuadrin komandues ushtarak”.
Shpërthimi në fabrikën e demontimit të armëvë në Gërdec më 15 mars 2008, shkaktoi 26 viktima dhe qindra të plagosur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
