.png)
Nga Gazeta Si – Kampionë, fitues dhe “Daddy Yankee” – Valencia priti një mbrëmje plot yje të dielën e kaluar.
Ceremonia e Çmimeve “MotoGP™ 2025” u zhvillua në “Circuit Ricardo Tormo”, duke celebruar për herë të parë, fundin e sezonit pranë pistës.
Kampionët e këtij sezoni morën medaljet e tyre, dhe Marc Márquez (Ducati Lenovo Team) u ngjit në skenë për të festuar rikthimin më të madh në historinë e sportit – duke ngritur “Tower of Champions” me dizajn të ri.
Tre më të mirët nga çdo kategori – “MotoGP”™, “Moto2”™ dhe “Moto3”™ – dolën në skenë, përfshi edhe kampionin brazilian në “Moto2”™, Diogo Moreira.
Debutuesit më të spikatur të të gjitha cilindratave u vlerësuan gjithashtu në Valencia, së bashku me kampionët e konstruktorëve, dhe shumë të tjerë.
“MotoGP”™ mbylli një vit rekord garash në fund të raundit të 22 përpara një audience të zgjedhur – dhe më pas mirëpriti një të ftuar të veçantë.
Në fund të ceremonisë, “Daddy Yankee” dhuroi një performancë fantastike teksa “MotoGP” mbylli kapitullin e rradhës në mënyrën më të përshtatshme, pak para nisjes së vitit 2026 me testet e rradhës në Valencia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
