.png)
Nga Gazeta Si- Nga e shtuna e 1 nëntorit, qytetarët që përdorin linjën e transportit urban Kamëz–Tiranë dhe ato të Paskuqan-Tiranë do të paguajnë më shumë për biletën e autobusit si dhe për abonentë për këto linja.
Këshilli bashkiak i Kamzës ka miratuar vendimin për një rritje prej 10 lekësh për çmimin e biletës.
Kështu, qytetarët që përdorin linjat Kamëz-Tiranë dhe Paskuqan-Tirane do të paguajnë 50 lekë për bilete nga 40 lekë që është aktualisht. Rritje çmimi do të ketë edhe për abonetë e këtyre linjave.
Abonetë për këto dy linja do të rriten në 1400 lekë, nga 1200 që ishte deri më tani.
Kërkesa është dorëzuar nga operatori i linjës që ka depozituar pranë Drejtorisë së Transportit të Bashkisë Kamëz një kërkesë për rritjen e tarifës, sipas tyre, të mbështetur me analizë të detajuar të kostove dhe argumente ekonomike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
