.png)
Nga Gazeta ‘Si’– Kosova do të shkojë në zgjedhje të jashtëzakonshme parlamentare në Dhjetor.
Është ky rezultati i takimit të thirrur nga presidentja Vjosa Osmani me liderët e partive politike, pas dështimit të përpjekjes për të bërë një qeveria apo mazhorancë nga Lëvizja Vetëvendosje.
Kryetari i Partisë Demokratike të Kosovës, Memli Krasniqi, tha para mediave se në takim u bë e qartë se askush nuk mund ta sigurojë shumicën për të formuar qeverinë.
Sipas tij, zgjedhjet e reja tashmë janë të imponuara.
“Një situatë të tillë ka muaj që e kemi paralajmëruar. Në këtë moment, rruga përpara është vetëm shpallja e zgjedhjeve të reja”.
Pas përfundimit të takimit kryetari i Lëvizjes Vetëvendosje, njëherësh kryeministër në detyrë, Albin Kurti nuk ka pranuar të deklarohet për media.
Pas takimit, ai u tha gazetarëve se “më duhet të shkoj me shpejtësi”.
Ndërsa kreu i AAK-së, Ramush Haradinaj, deklaroi se në takim Kurti, si fitues i zgjedhjeve të 9 shkurtit, ka kërkuar disa ditë kohë për të parë mundësitë nëse mund të formojë një shumicë.
Kujtojmë se Albin Kurti dështoi më 26 tetor të merrte besimin e Kuvendit për formimin e qeverisë së re në Kosovë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
