.png)
Gazeta Si – Gjykata Administrative ka rrëzuar padinë e bërë nga Naureda Llagami, një prej kandidateve për të qenë pjesë e Gjykatës Kushtetuese.
Llagami kërkonte shfuqizimin e vendimit të Gjykatës së Lartë dhe emërimin e saj në Kushtetuese me pretendimin se një votë ishte shpallur qëllimisht e pavlefshme.
Në vend të saj, në Kushtetuese u emërua Asim Vokshi si anëtar i zgjedhur nga Gjykata e Lartë.
Gjyqtarja Llagami kërkonte shfuqizim të vendimit të Gjykatës së Lartë dhe emërimin e saj në Kushtetuese, pasi pretendonte se një votë ishte shpallur qëllimisht e pavlefshme, pasi sipas saj vota që u shpall e pavlefshme ishte e 9 që të merrte kuorumin.
Llagami pretendon se vota u shpall qëllimisht e pavlefshme që të mos bëhej emërimi i saj. Më herët, Gjykata e lartë në bazë të ligjit emëroi Asim Vokshin si i rendituri i pari nga Këshilli i emërimeve në Drejtësi (KED,) pasi asnjë nga kandidatët nuk mori kourumin prej 9 votash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
