.png)
Nga Gazeta Si- 52 për qind e mësuesve raportojnë se kanë përdorur inteligjencë artificiale (IA) në punën e tyre, shifër më e lartë se mesatarja e OECD-së që është 36 për qind.
Sipas studimit të kryer nga Organizata për Zhvillim dhe Bashkëpunim Ekonomik (OECD) për 2024, mësuesit kanë tendencë të përdorin IA-në për të ndihmuar nxënësit të praktikojnë aftësi të reja (88%), të gjenerojnë plane mësimi ose aktivitete (82%), dhe të mësojnë dhe të përmbledhin në mënyrë efikase një temë (81%).
Përdorimi më pak i shpeshtë i IA-së është për të mbështetur nxënësit me nevoja të veçanta arsimore (64%).
Gjithashtu, mësuesit shqiptarë e përdorin IA-në që të gjenerojnë tekst për reagimet e nxënësve ose komunikimet me prindin (62%) dhe të vlerësojnë punën e nxënësve (42%).
Ndërkohë, mësuesit që nuk e kanë përdorur IA-në në mësimdhënie në vitin e fundit kanë thënë se kjo ka ndodhur sepse ose nuk kanë njohuritë dhe aftësitë për ta përdorur ose se shkollave të tyre u mungon infrastruktura për të përdorur IA-në. 69 për qind e tyre thanë se mungon insfrastruktura, shifër më e lartë se mesatarja e OECD-së që është 37%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
