.png)
Nga Gazeta Si- Është arrestuar mjeku Roland Xhaxho për veprën ‘vrasje nga pakujdesia’ për vdekjen e 3-vjeçarit Brian Spahiu.
Po ashtu janë arrestuar edhe Ina Xhaxho, vajza e tij dhe Marta Gina, për ‘Vrasje nga pakujdesia’ në bashkëpunim’.
Arrestimet u kryen pas përgjigjen së ekspertizës mjekoligjore nga Italia e cila ka ardhur prej 2 javësh por nuk është bërë publike për shkak të hetimeve.
Vdekja e 3-vjeçarit pas ndërhyrjes në dhëmbë në një klinikë private në Tiranë në tetor të 2023 tronditi mbarë opinionin publik, ku pati edhe protesta nga qytetarët.
Familjarët e 3-vjeçarit thanë pas ngjarjes se e çuan djalin tek dentisti për një kontroll por pas kunsultës ishte vendosur që të kryhet një ndërhyrje.
Mjeku dhe vajza e tij sugjeruan operacion dhe prindërit pranuan.
Sipas familjarëve, mjeku Roland Xhaxho i ka bërë anestezi totale për të kryer ndërhyrjen për rregullimin e dhëmbëve.
Pasi ka përfunduar ndërhyrjen, mjeku u ka kërkuar që djalin ta marrin nga klinika dhe ta çojnë në banesë, duke u rekomanduar edhe mjekimin që duhet të merrte.
Pasi kanë shkuar në banesë fëmija ka filluar të ndihet keq. Prindërit e shqetësuar kanë marrë klinikën private në telefon por nuk i është përgjigjur njeri. Duke parë gjendjen e fëmijës që po përkeqësohej ata e kanë çuar në spitalin pediatrik, të cilët duke parë gjendjen jo të mirë të fëmijës e kanë dërguar në reanimacion por nuk ka mundur të jetojë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
