.png)
Nga Gazeta Si- Nis sot viti i ri akademik në të gjitha universitetet e vendit. Janë rreth 20 mijë maturantë në shkallë vendi ku 60 për qind e tyre kanë zgjedhur Universitetin e Tiranës, si më i madhi.
Me prioritet edhe këtë vit janë parë degët që lidhen me fushën e shëndetit, IT dhe inxhinieritë në përgjithësi të ndjekura nga programet ekonomi-financë.
Kuotat në degët e mjekësisë, stomatologjisë, farmacisë dhe arkitekturës tek Universiteti Politeknik i Tiranës, janë plotësuar që në raundin e parë.
Deri më tani janë plotësuar 60 për qind e kuotave në të gjitha universitetet ndërsa nuk ka programe që mbyllen pasi mbeten dhe rreth 3 mijë maturantë që ende nuk janë regjistruar pasi regjistrimet do vijojnë deri me datë 8.
Pas kësaj datë do të ketë edhe një javë tjetër regjistrimesh, që konsiderohet raundi I lirë, ku maturantët që kanë mbetur pa një degë mund të regjistrohen të fakultetet që kanë kuota të lira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
