.png)
Gazeta Si – Asim Vokshi është anëtari më i ri i Gjykatës Kushtetuese duke plotësuar kështu vakancën e lënë nga ish-kryetarja Holta Zaçaj, të cilës i përfundoi mandati zyrtarisht në mars të këtij viti.
Vokshi mori vlerësimin më të lartë mes 6 kandidatëve në garë për të qenë anëtarë të Gjykatës Kushtetuese.
Mes kandidatëve të treshes “finaliste” ishin edhe Naureda Llagami, ish-kryetare e KLGJ dhe Florian Ballhysa, ish-komisioner publik tek vettingu.
Nga votimi i kryer për përzgjedhjen e anëtarit, kandidati Asim Vokshi mori 6 vota, Naureda Llagami 8 vota, ndërsa Florian Ballhysa asnjë votë.
Kështu, Asim Vokshi do të përfundojë vetëm mandatin e mbetur të Holta Zaçajt, ndërsa procedurat për zgjedhjen e kryetarit të ri të Gjykatës Kushtetuese do të nisin menjëherë pas këtij emërimi.
Kujtojmë se Gjykata Kushtetuese vendosi në dhjetor të vitit të kaluar mbarimin e mandatit të kryetares Zaçaj. Ky vendim i dha fund ngërçit ligjor mes këtij institucioni dhe Gjykatës së Lartë, e cila kishte hapur garën për zëvendësimin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
