.png)
Gazeta Si – Apeli i Posaçëm la në fuqi vendimin e GJKKO-së për masën e sigurisë “arrest në burg” për Denis Brajoviç, i cili u ekstradua në muajin korrik të këtij viti nga Emiratet e Bashkuara Arabe drejt vendit tonë për llogari të SPAK.
Brajoviq akuzohet se vrau Gjin Ndoj (Boriçi) ngjarje e ndodhur në muajin gusht të vitit 2020 në Vaun e Dejës. Denis Brajoviç ishte shpallur në kërkim nga SPAK në kuadër të dosjes “‘Metamorfoza”.
Në 23 korrik 2025, 37-vjeçari mbërriti në Rinas nëpërmjet një fluturimi tranzit nga Stambolli dhe u shoqërua menjëherë drejt paraburgimit në “313” nën masa të rrepta sigurie nga forcat speciale dhe Drejtoria e Burgjeve.
Brajoviç ishte arrestuar në Dubai në fillim të vitit të kaluar. Ndaj tij rëndojnë akuza të rënda, kryesisht për krime kundër personit, të kryera si pjesë e një grupi të strukturuar kriminal, si dhe për armëmbajtje pa leje.
Ai dyshohet si autor i vrasjes së mikut të tij, Gjin Boriçit (i njohur edhe si Gjin Ndoj), i cili u ekzekutua me breshëri kallashnikovi më 10 gusht 2020 në Vau Dejës, pranë automjetit që kishte marrë me qira.
Ngjarja u zbardh nga përgjimet në kuadër të dosjes “Metamorfoza”, në aplikacionet Sky ECC dhe EncroChat.
Sipas hetimeve të SPAK, pas porosisë për këtë vrasje fshihet emri i shumëkërkuarit Ervis Martinaj, i cili dyshohet se kontraktoi Behar Bajrin për organizimin e ekzekutimit, ndërsa detyra iu besua Denis Bajrit. Madje, për të shmangur dyshimet, Bajri mësohet të ketë marrë pjesë edhe në varrimin e viktimës.
Sipas hetuesve, në këmbim të vrasjes së Gjin Boriçit, Martinaj do të kryente një tjetër vrasje – atë të Kleant Musabelliut, për llogari të biznesmenit Pëllumb Gjoka, për shkak të një konflikti të mëparshëm mes tyre në vitin 2017.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
