.png)
Gazeta Si – Debate në seancën gjyqësore të dosjes “Plumbi i artë” mes dy të penduarve të drejtësisë, Nuredin Dumani dhe Erion Alibej.
Ky i fundit, duke iu përgjigjur pyetjeve që i bëhen nga avokatët, ka rrëfyer për takimin e tij të parë me Nuredin Dumanin.
Mes të tjerash, Alibej tregoi detaje mbi “masakrën e Bradasheshit” në vitin 2018, ku mes 3 personave mbeti i vrarë edhe vëllai i tij, Endrit Alibej.
“Nuredini nuk më pranoi që vëllai i tij të ishte në ngjarje. Nuk e di, mbase ishte ndonjë hatërmbetje me vëllanë e tij”, tha Alibej, çka solli reagim të menjëhershëm të Dumanit.
“Me leje zonja kryetare”, tha Dumani duke u çuar në këmbë dhe drejtuar gishtin ndaj të penduarit Alibej. “Ky është mashtrim. Duhet të kërkosh falje për këtë!”, tha Dumani.
Tensioni u ndërpre nga ndërhyrja e gjykatës, që urdhëroi punonjësit e sigurisë të zhvendosnin Dumanin në një kënd, ku të kishte më pak kontakt viziv me Alibejn.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
