.png)
Gazeta Si – Prokuroria e Kukësit ka konfiskuar pasuritë e familjarëve të Fatjon Dautajt, i arrestuar në Londër të Britanisë së Madhe për akuzat “trafikut të drogës” dhe “pastrimit të parave”.
Më datë 06.09.2013 në makinën e tij, janë gjetur 3 kg kokainë dhe më datë 05.03.2014 i janë gjetur 64.450 paund, të cilat dyshohet se kanë lidhje me trafikun e drogës.
Pas masës së sekuestrimit të mëparshëm ndaj pasurive të tij, Prokuroria ka konfiskuar edhe pasuritë e familjarëve të tij, konkretisht:
-një pasuri të llojit “njësi” me sipërfaqe 100 m²;
-një pasuri truall me sipërfaqe 64 m² dhe një ndërtesë po me 64 m²;
-si dhe një pasuri tjetër me sipërfaqe 30 m².
Ky vendim vjen si pjesë e masave të ndërmarra nga drejtësia shqiptare për goditjen e pasurive të përfituara nga veprimtaritë kriminale.
Fatjon Dautaj u bë i njohur për publikun, kur shkelmoi një prej dyerve të selisë së Partisë Demokratike gjatë përplasjeve mes dy grupimeve të Sali Berishës dhe Lulzim Bashës në vitin 2022.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
