.png)
Nga Gazeta Si – Kthimi i Toprak Razgatlioglu në të dashurin “Circuit de Nevers Magny-Cours” ishte poezi në lëvizje pasi kampioni turk fitoi të 3 garat e fundjavës për të 4 herë rradhazi.
Ai theu rekordin e Jonathan Rea-s (Pata Maxus Yamaha) me 9 fitore në pistën franceze.
“El Turco” vendosi një rekord të ri në “MOTUL FIM Superbike World Championship” me 11 fitore.
Pas fitores në Garën e parë ai vendosi një tjetër rekord duke qënë piloti i parë që fiton 10 gara ose më shumë në 3 pista të ndryshme.
Duke mbyllur çdo garë me një diferencë prej më shumë se 3.5” nga ndjekësit, Razgatlioglu tregoi se Magny-Cours nuk ishte një shëtitje.
Tre fitore që e shkëputën 39 pikë nga Nicolo Bulega (Aruba.it Racing – Ducati) në Klasifikimin e përgjithshëm të pilotëve.
Pas fitores së 3 fishtë në pistën e preferuar, tani përqëndrimi i tij është fundjava në Aragon.
Në startin e këtij sezoni, skuadra zyrtare BMW shpalosi objektivin për fitimin e dy titujve, konstruktorve dhe pilotëve.
Ky është viti i fundit për Razgatlioglu në Superbike dhe ai dëshiron që të largohet nga si piloti më i suksesshëm i displinës nga “dera kryesore”.
Raundi i 10 do të zhvillohet në fundjavën e 26-28 Shtatorit në Aragon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
