.png)
Nga Gazeta ‘Si’– Në Veri të Mitrovicës janë shfaqur grafite me përmbajtje kërcënuese për jetën e kryeministrit në detyrë të Kosovës, Albin Kurti.
“Me agimin e ditës, Albin Kurti do të jetë i vdekur”, është një nga grafitet e shkruara.
Lajmin e ka konfirmuar zëvendësdrejtori i Policisë së Kosovës për rajonin e veriut, Veton Elshani.
“Po, kemi hapur rast për kanosje”, ka thënë Elshani.
Edhe në të kaluarën janë shfaqur vazhdimisht grafite në Mitrovicë, për të cilat policia kishte nisur hetime, pasi ato vendoseshin në gjuhën serbe dhe mbanin nënshkrimin e ashtuquajturës “Brigada e Veriut”.
Qeveria e Kosovës e kishte shpallur Brigadën e Veriut dhe Mbrojtjen Civile si organizata terroriste në fund të qershorit të vitit 2023.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
