.png)
Nga Gazeta “SI”– Sopranoja e mirënjohur shqiptare, Ermonela Jaho, do të rikthehet në skenën e Teatrit Kombëtar të Operës, Baletit dhe Ansamblit Popullor më 17 shtator, ora 20:00, për të dhuruar një mbrëmje të paharrueshme për publikun shqiptar.
Nën dirigjimin e maestro Fabrizio Maria Carminati, drejtor artistik i Teatro “Massimo Bellini” në Katania, Jaho do të shoqërohet nga kori dhe orkestra e TKOBAP-së me dirigjent Dritan Lumshi, në një udhëtim të rrallë muzikor.
Programi përfshin kryevepra të autorëve të mëdhenj si Verdi, Bellini, Donizetti, Puccini e Cilea. Ky koncert, i titulluar “Kur ndjenjat marrin zë”, shënon edhe rikthimin e artistes Jaho në vendlindje, një vit pas koncertit të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
