Deputeti i Partisë Socialiste, Ulsi Manja, e ka cilësuar një turp të opozitës gjestin e kolegut demokrat Endri Hasa, i cili goditi me vezë kryeministrin Rama teksa kishte marrë fjalën në Kuvend.
Manja, në një status në “Facebook”, shkruan se një deputet duhet të protestojë në emër të lirisë së studentëve, duke i ftuar këta të fundit që të mos lejojnë që kauzën e tyre ta përfaqësojë Endri Hasa.
“Normalisht nuk shkruaj dhe nuk komentoj kurrë kolegët e mi deputetë. Por kur një person është zgjedhur deputet, si shpërblim për mbulimin e vrasjeve të ndodhura në 21 janar, në rolin e autorit të fshehjes së provave vendimtare për dënimin e autorëve të këtyre vrasjeve shtetërore politike, të protestojë në emër të lirisë studentore apo të mbrojë interesat e studentëve, ky është turpi i opozitës dhe i çdo njeriu të lirë në këtë vend, – shkruan Manja. – Studentë, kjo që ndodhi sot në Kuvend është një arsye më shumë që t’i ktheheni dialogut dhe të zgjidhni hallin tuaj dhe mos lejoni që kauzën tuaj ta përfaqësojë opozita e Endri Hasës me shokë!UM”, – e mbyll komentin socialisti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
