.png)
Garë historike për vëllezërit Marquez në Tajlandë ku Marc i la kryesimin Alex për pjesën më të madhe të xhirove, duke e parakaluar në të fundit përpara se të bëheshin të parët vëllezër që renditen në dy vendet e para në MotoGP.
32 vjecari spanjoll që ka fituar 6 tituj botërorë fitoi garën e parë në bordin e Ducati-t duke përsëritur suksesin e Casey Stoner në vitin 2007. Në shkallën më të ulët në podium u ngjit Bagnaia i ndjekur nga Morbidelli, Ogura dhe Bezzechi.
Kjo ishte fitorja e 63 dhe podiumi i 112 (barazoi patriotin Dani Pedrosa) për veteranin spanjoll që filloi një etapë të re në karrierën mbi dy goma. Gjithashtu Marc barazoi rekordin e Mick Doohan me 27 hat trick (fitore + xhiro e shpejtë + pole position).
Në garën e sotme ai erdhi në krye pas suksesit në Sprintin e një dite më parë ku sërish la pas vëllain Alex dhe italianin Bagnaia. Garë pothuajse e ngjashme në Moto2 ku pasi vendosi pole position, Manuel Gonzalez arriti të fitonte edhe garën. Suksesi i dytë për spanjollin në botërorin e motociklizmit.
Mbi “Kalex Intact GP” ai la pas Aron Canet (Fantic). Ndërsa podin e plotësoi Senna Agius. Australiani ishte protagonist i kontaktit që nxorri Celestino Vietti-n nga pista.
Më herët në klasin Moto3, Antonio Rueda dhe Red Bull KTM dominuan mes kadetëve. I dyti në bordin e austriakëve, debutuesi Alvaro Carpe i ndjekur nga Adrian Fernandez (Leopard Honda). Gara e rradhës do të zhvillohet pas 2 javëve, 15-16 Mars në Argjentinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
