Dhjetëra -qindra banorë në Xhafzotaj të Durrësit kanë protestuar për infrastrukturën. Në shenjë proteste ata kanë bllokuar për 15 minuta me kazanë plehrash rrugën nacionale Durrës-Shijak, duke i venë zjarrin.
Banorët u shprehen se protesta e tyre synon sensibilizimin e institucioneve përgjegjëse për rehabilitimin e rrugës, e cila është tejet e amortizuar.
Kjo nuk është e vetmja protestë që banorët bëjnë për këtë segment rrugor. Në mënyrë të vazhdueshme ata janë organizuar duke kërkuar rehabilitimin e rrugës, por pa gjetur zgjidhje.
Rruga Shijak-Durrës 5 km e gjatë përshkohet në të dyja korsitë e saj nga banesa dhe biznese, duke u konsideruar ndër akset me përqendrimin më të madh të zhvillimit ekonomik.
Kryeministri Rama në mbledhjen e qeverisë që zhvilloi në Durrës e futi këtë aks në një prej investime të parashikuar për rehabilitim, por që ende nuk është bërë asgjë konkrete për fillim punimesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
