.png)
Në më pak se dy muaj nga starti i sezonit të ri, Ferrari prezanton disa nga ndryshimet madhore në dizajnin e makinës me të cilën do të përfaqësohet në vitin 2025. Gjithçka duke nisur nga konfigurimi i amortizatorëve të parë që do të ndryshojë karahasuar me një vit më parë. Inxhinierët te “Scuderia Ferrari” vendosën të mos përdorin vendosjen tradicionale në favor të zgjidhjes me shufra.
McLaren dhe Red Bull po përdorin një sistem të tillë prej disa sezonesh. Së dyti, do të ndryshojnë formën e mbulesave anësore të cilat gjatë vitit 2025 do të jenë më të shkurtëra e si rrjedhojë do të ndryshojë edhe forma e dhomave të ajrit. Më herët, “Team Principal” Frederic Vasseur kishte deklaruar se makina e re do të përdorë vetëm 1% nga pjesët e SF-24.
Jo vetëm në sektorin teknik por edhe tek pilotët, “Scuderia” ka zyrtarizuar kthimin e Zhou Guanyu në familjen Ferrari. Piloti kinez që humbi vendin te Kick Sauber në përfundim të vitit 2024, i bashkohet italianit Antonio Giovinazzi si një nga pilotët rezervë! Zhou ka qënë për katër vite pjesë e “Scuderia Ferrari Driver Academy” nga 2015 në 2018. Ai do të ndajë detyrat e pilotit rezervë me vendasin Giovinazzi (prej 3 vitesh në këtë pozicion) për vitin 2025.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
