.png)
Nga Gazeta ‘SI’- Anija e Rojës Bregdetare Italiane ka mbërritur në Portin e Shëngjinit, për marrjen e 43 emigrantëve, të cilët po qëndrojnë në Kampin e Gjadrit prej ditës së martë. Ata pritet të sillen në Shëngjin dhe të nisen menjëherë drejt Italisë.
Gjykata e Apelit e Romës pezulloi vendimin për kthimin e 43 emigrantëve nga Bangladeshi dhe Egjipti të dërguar në kampin e Gjadrit. Hera e tretë që kjo ndodh që kur janë hapur kampet në Shqipëri, ndërsa pritet vendimi i Gjykatës Europiane që do të shprehet përfundimisht për çështjen e vendeve të sigurta më 25 shkurt.
Edhe pse përballë kundërshtive të drejtësisë, politikës dhe votuesve, kryeministrja italiane Giorgia Meloni vazhdon të këmbëngulë në vazhdimin e marrëveshjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
