Nga Gazeta 'SI' - Administrata tatimore ka prezantuar planin strategjik 2024-2028 me qëllim modernizimin e proceseve dhe luftën ndaj abuzimeve.
Në dokumentin e publikuar, Tatimet parashikojnë një rritje të mbledhjes së të ardhurave si pasojë e goditjes së mashtrimeve fiskale, elementëve penale dhe marrjen e masave administrative. Do të ketë kontrolle të përqendruara tek tatimpaguesit dhe sektorët me risk, sidomos ata që kanë gjeneruar humbje të konsiderueshme në buxhetin e shtetit.
Tatimet propozojnë futjen e deklaratave të reja të Tatimit në Burim dhe DIVA, automatizimin e proceseve të kontrollit tatimor si dhe reduktimin e kohës së miratimit të shumës për rimbursim. Aktualisht mesatarja është 35 ditë synimi është 25 ditë. Institucioni synon të zerojë stokun e rimbursimeve.
Shtylla e tretë dhe e katërt përqendrohen në masa konkrete që synojnë të fuqizojnë punonjësit e administratës tatimore si dhe përafrimin me legjislacionin e Bashkimit Europian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
