.png)
Gazeta Si – Gjatë një operacioni kundër mashtrimeve ekonomike dhe kriptomonedhave, janë arrestuar deri tani 17 persona.
Sipas policisë, në kuadër të këtij operacioni, është ekzekutuar masa e sigurisë “arrest në burg”, e caktuar nga Gjykata e Tiranës, për 17 shtetas, si dhe janë kryer kontrolle në 32 ambiente në Tiranë dhe në Shkodër.
Në cilësinë e provës materiale, janë sekuestruar pajisje kompjuterike, Usb, celularë dhe shuma të konsiderueshme parash.
Operacioni është në vijim dhe në përfundim të tij, Policia e Shtetit do të japë njoftim të detajuar për median dhe qytetarët.
Bëhet fjalë për një megaoperacion nga krimi ekonomik në bashkëpunim edhe me SPAK. Nga hetimet është zbuluar një rrjet i gjerë për sa i përket mashtrimeve ekonomike dhe me kriptomonedha.
Sipas burimeve paraprake, 6 nga masat e sigurisë, mësohet se janë pronarë pikash "Exchange", të cilët këmbenin kriptomonedhat në bizneset e tyre.
Personat e tjerë janë bashkëpunëtorë që reklamonin aktivitetin në rrjetet sociale. Autoritetet dyshojnë se kemi të bëjmë me pastrim parash. Aktiviteti i tyre është zbuluar nëpërmjet agjentëve të infiltruar të policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
