Donald Trump duket se po shkon drejt fitores së dytë si Presidenti i Shteteve te Bashkuara të Amerikës. Ish Presidenti udhëheq bindshëm ndaj rivales së tij demokrate, zv.Presidentes Camala Harris. Trump ka udhëhequr në vota elektorale që prej mbylljes së votimit.
Teksa numërimi vijon, ish-presidenti amerikan, Donald Trump po kryeson zgjedhjet presidenciale të SHBA-së. Deri në orët e para të mëngjesit, sipas CNN, Trump udheheq me 277 vota elektorale ndaj 226 votave elektorale të Harris.
Gara që do të ndajë përfundimisht fituesin është ajo që po zhvillohet në Pennsylvania, Michigan dhe Wisconsin, tre shtete të lëkundura por që nga numërimi duket se Trump ka avantazhin.
Qendrat e para të votimit në SHBA u mbyllën në shtetet e Indianës dhe Kentakit, të cilët ishin edhe votat e para elektorale për Donald Trump.
Fox News parashikon që republikanët do të marrin kontrollin e Senatit. Partia do të mbajë të paktën 51 vende, të mjaftueshme për një shumicë të plotë.
Vendi i pikës së kthesës është Nebraska, ku Fox News projekton që senatori aktual republikan Deb Fischer do të mundë sfiduesin e pavarur Dan Osborn.
Nuk është ende e qartë se kush do të shërbejë si udhëheqësi i ardhshëm i shumicës në Senat.
Udhëheqësi republikan Mitch McConnell, i cili është udhëheqësi më jetëgjatë i Senatit në histori, njoftoi në fillim të këtij viti se ai do të largohej.
CBS raporton se gjendja e demokracisë dhe ekonomia kanë qenë çështjet kryesore për të gjithë votuesit.
Nga ata që votuan për Harrisin:
Gati gjashtë në 10 persona e renditën gjendjen e demokracisë si çështjen e tyre numër një;
Rreth një në pesë persona e renditi abortin si numër një;
Pak më shumë se një në 10 zgjodhi ekonominë.
Nga ata që votuan për Trumpin:
Gjysma thanë se ekonomia ishte çështja e tyre numër një;
Një në pesë tha se migracioni ishte çështja kryesore;
Pak më shumë se një në 10 persona tha se rendit gjendjen e demokracisë si çështjen numër një.
Afërsisht 46% e votuesve kanë një pikëpamje pozitive për Zëvendës Presidentin Kamala Harris, por jo për ish-Presidentin Donald Trump, sipas rezultateve fillestare të exit poll-it kombëtar të CNN të votuesve në zgjedhjet presidenciale të këtij viti, ndërsa një përqindje pak më e vogël, rreth 42%, kanë një pikëpamje pozitive për Trump, por jo për Harris.
Rreth 8% e votuesve në nivel kombëtar kanë pikëpamje negative për të dy kandidatët, një tregues më i lartë se viti 2020, por në rënie nga 18% në 2016.
Gati gjysma e votuesve thonë se Trump, por jo Harris, është shumë ekstrem, ndërsa rreth 36% thonë se vetëm Harris është shumë ekstreme, 8% thonë se të dy kandidatët janë dhe 5% që asnjëri nuk është.
Përafërsisht gjysma e votuesve thonë se do të ishin optimistë ose të emocionuar nëse Harris fiton, ndërsa pjesa tjetër thonë se do të ishin të shqetësuar ose të frikësuar, këto shifra janë të ngjashme për pikëpamjet për një fitore të Trump.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
