.png)
Në një operacion policor të koduar me emrin “DAMASK”, policia ka goditur një grup kriminal të trafikimit të emigrantëve klandestinë.
Në një konferencë për shtyp, drejtuesi i Policisë Tiranë, Tonin Vocaj ka bërë të ditur se gjykata ka caktuar masën e sigurisë “arrest me burg” në mungesë për 19 persona të implikuar në këtë veprimtari kriminale.
Gjatë fazës finale të këtij operacioni janë arrestuar 15 persona, nga të cilët 3 të huaj, me kombësi egjiptiane dhe siriane. Gjatë fazave të mëparshme të hetimit janë arrestuar në flagrancë 5 të tjerë, nga të cilët 3 hetohen me masën e sigurisë “Arrest në burg”, pa afat, ndërsa 2 me masën e sigurisë “Detyrimi për t’u paraqitur në Policinë Gjyqësore”. Ndërkohë janë shpallur në kërkim 4 të tjerë.
Sipas policisë, personat e implikuar në këtë veprimtari kriminale iu kanë dhënë ndihmë për kalim të paligjshëm të kufirit shumë shtetasve, kryesisht nga Lindja e Mesme, të cilët hynin në Shqipëri nga Greqia dhe tranzitoheshin në drejtim të kufijve veriorë të Shqipërisë, në Malin e Zi dhe në Kosovë.
Gjatë hetimeve të kryera në kuadër të këtij operacioni janë sekusetruar 10 automjete, rreth 20 mijë Euro dhe 500 000 lekë, 24 celularë, 10 pasaporta dhe fotokopje pasaportash të shtetasve egjiptianë dhe sirianë.
Hetimi ka dokumentuar përtej çdo dyshimi të arsysyeshëm se organizatorë dhe financues të veprimtarisë kriminale janë shtetasit e huaj.
“Hetimet dokumentuan përtej çdo dyshimi të arsyeshëm se shtetasit e huaj ishin organizatorët dhe financuesit e këtij rrjeti kriminal, që ndihmonte emigrantë kryesisht nga Lindja e Mesme të kalonin ilegalisht kufirin shqiptar nga Greqia, me destinacion final vendet e Evropës Perëndimore, përmes kufijve veriorë të Shqipërisë në Malin e Zi dhe Kosovë”, njofton policia.
Emrat e të arrestuave
Rafael Demaj,
Enriko Gjonaj,
Mehmet Bregu,
Arnold Kërçi,
Khaled Shahin,
Ahmed Kensova,
Dashamir Kullaj,
Mohammed Alfahel,
Nazmi Avxhija,
Juljan Avxhija,
Florenc Avxhija,
Klajvert Avxhija,
Klaudi Mano,
Trilind Gjana,
Elton Ukaj,
Eurel Ukaj,
Kelti Xhani,
Kastriot Xhani,
Ilirjan Xhaferri,
Mikel Stefani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
