.png)
Gazeta Si - Gjykata e Apelit ka lënë në fuqi vendimin e Shkallës së Parë ndaj ish-shefes së kabinetit të ish-ministrit Arben Ahmetajt, Alda Klosi dhe Rozeta e Havier Dobi, nën e bir që u kapën duke vjedhur 400 mijë eurot në banesën e ish-zyrtares.
Kështu, ndaj Alda Klosit mbetet në fuqi dënimi me 2 vite e 6 muaj burgim për pastrim parash e mosdeklarim të pasurisë, të cilit do t’i aplikohet edhe gjykimi i shkurtuar.
Pastruesja Rozeta Dobi dënohet me 7 vite burg, por për shkak të gjykimit të shkurtuar dënimi i konvertohet në 4.8 vite burg.
Djali i pastrueses, Havier Dobi dënohet me 5 vite burg, por për shkak të gjykimit të shkurtuar, dënimi i konvertohet në 3.4 vite burg.
Prokuroria thotë se afro 500 mijë Euro të sekuestruara më herët janë të ish-zyrtares të krijuara nga aktivitet i paligjshëm. Gjithashtu edhe një apartament dhe një garazh të identifikuar gjatë hetimeve, për hetuesit janë pasuri të pa jufistikuara.
Klosi u arrestua në shkurt 2023, 1 muaj pasi në pranga kishte rënë sanitarja e saj për vjedhje me pasoja të rënda në banesën e saj. Fillimisht ish-zyrtarja nuk deklaroi të plotë shumën e vjedhur në shtëpinë e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
