Gazeta Si - Dy punonjës të Policisë në Berat dhe Fier, të moshës 30 dhe 57 vjeç, u morën nën hetim nga Prokuroria për akuzën e shitjes së drogës dhe shpërdorimit të detyrës.
AMP njoftoi se ka ekzekutuar masat e dhëna nga gjykata, të cilat kanë caktuar masën e sigurimit personal “pezullim i ushtrimit të një detyre a shërbimi publik” dhe “ndalimi i daljes jashtë shtetit”, për punonjësin e policisë Inspektor B.D., 30 vjeç, me detyrë oficer i Patrullës së Përgjithshme në Komisariatin e Policisë Divjakë, i dyshuar për veprat penale “shpërdorim i detyrës” dhe “prodhimi dhe shitja e narkotikëve”.
Nga veprimet hetimore u dokumentua se punonjësi i policisë, ka qenë i përfshirë në aktivitetin e paligjshëm të shpërndarjes së lëndëve narkotike.
Po kështu u ekzekutua edhe masa e sigurimit personal e caktuar nga Gjykata e Beratit, “pezullim i ushtrimit të një detyre a shërbimi publik” për punonjësin e policisë A. Ç., 57 vjeç, me detyrë ndihmës specialist i Policimit në Komunitet, i dyshuar për veprën penale “shpërdorim i detyrës”.
“Nga hetimet e kryera është dokumentuar konstatimi i disa rasteve të ndërtimeve pa leje në Njësinë Administrative Velabisht, zonë përgjegjësie e këtij punonjësi policie, i cili ka lejuar vijimin e ndërtimeve të paligjshme”, njoftoi AMP.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.