.png)
Nga Gazeta Si- Një 71-vjeçar, Pëllumb Lamçe, është arrestuar në Maliq, pasi dyshohet se ka ngacmuar seksualisht një 9-vjeçare në këndin e lojërave.
Policia shpjegon se ka qenë babai i vajzës ai që ka bërë denoncimin në polici, ndërkohë sipas deklarimeve ngjarja ka ndodhur në një kënd lojërash në afërsi të shkollës së fshatit.
Veprimet e turpshme ndaj vajzës së mitur i ka parë një banore tjetër e zonës, e cila e ka larguar menjëherë vajzën nga vendngjarja. Mësohet se i moshuari jeton i vetëm, pasi bashkëshortja dhe fëmijët e tij jetojnë jashtë vendit.
Ajo ka deklaruar në polici, se rreth orës 13:30 pa nga larg një skenë të sikletshme.
I moshuari, Pëllumb Lamçe, ka shkuar te këndi i lojërave në shkollën e fshatit dhe ka marrë me vete edhe vajzën e vogël.
“Të dy i njoh se janë banorë të fshatit, shkoj menjëherë aty për të parë çfarë po ndodhte, sepse nga larg nuk isha shumë e sigurt. Kur shkoj aty pashë tmerr me sy, të moshuarin e pashë gjysëm të zhveshur edhe vajzën gjithashtu. Ishte gati për të kryer marrëdhënie seksuale, po e tërhiqte vajzën e mitur drejt vetes, unë nuk e lashë, e mora vajzën direkt. Shyqyr që nuk ndodhi asgjë, vajza është shumë mirë, por ka pësuar traumë nga ngjarja”, u shpreh banorja.
71 vjeçarin e goditi dy herë me grusht edhe një banor tjetër pasi mësoi për ngjarjen. Nga ana tjetër sipas burimeve nga policia po hetohet nëse i moshuari e kishte ngacmuar edhe herë të tjera të miturën, pasi banorë të tjerë pretendojnë se ai i ka ofruar dhe lekë.
"Komisariati i Policisë Maliq arrestoi në flagrancë shtetasin P. L., 71 vjeç, banues në fshatin Sheqeras, Maliq, pasi dyshohet se ka ngacmuar seksualisht një 9-vjeçare", njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
