.png)
Java e dytë në Ligën e Maqedonisë solli rezultate befasuese, dhe vetëm pak orë pas përfundimit të ndeshjeve, viktima e parë ishte trajneri i “FC Shkupit”, Ernest Gjoka.
Trajneri shqiptar, i cili pritej të garonte për tituj me “Shkupin”, nga dy ndeshjet e para mori vetëm një pikë. Pikërisht disfata e fundit nga “Gostivari” ka bërë që kryesia e klubit nga Çairi të largojë trajnerin shqiptar.
“Shkupi” nuk ka shumë kohë për të humbur, pasi të dielën, në kuadër të javës së tretë, do të luajë derbin e qytetit me Vardarin, një nga ekipet me të cilët ka rivalitetin më të madh.
Jo zyrtarisht, përfliten disa emra që mund të marrin postin e trajnerit të “Shkupit”, si Goce Sedlloski, i cili më parë ka qenë në këtë post. Por, meqë klubi ka sponsor dhe pronar nga Turqia, mund të kemi edhe ndonjë emër turk. Gjithçka pritet të bëhet e qartë ditëve në vazhdim, kur edhe nga klubi do të zyrtarizohet largimi i Gjokës dhe emri i trajnerit të ri. /telegraf
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
