.png)
Në orët e para të së premtes ka mbërritur në Kosovë përmes pikë kalimit kufitar të Merdares trupi i pajetë i Faton Hajrizit, i cili u qëllua për vdekje nga policia serbe tri javë më parë në Lloznicë.
Avokati i familjes së Hajrizit, Arianit Koçi deklaroi se trupi i është dorëzuar autoriteteve të Kosovës dhe Institutit të Mjekësisë Ligjore do të bëjë ekzaminimet e saj.
Kjo është konfirmuar edhe nga Ministria e Punëve të Jashtme dhe Diasporës që përmes një komunikate tha se do të kryejnë procedurat për verifikimin e trupit.
“Pas mbërritjes së trupit të pajetë të shtetasit të Kosovës, institucionet përkatëse të Republikës së Kosovës po kryejnë procedurat e mëtejshme mjeko-ligjore për identifikimin dhe verifikimin e tij”, u tha në komunikatën e MPJD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
