.png)
Gazeta Si – Skandal në Paris 2024: Tom Craig, lojtar i ekipit kombëtar australian të hokejit në fushë, u arrestua mbrëmjen e të martës.
Komiteti Olimpik Australian (AOC) dha lajmin dhe nuk deshi të konfirmonte zyrtarisht emrin e sportistit të arrestuar.
AOC u kufizua duke thënë se “ne vazhdojmë të marrim informacion për këtë çështje, duke u përpjekur të ndihmojmë anëtarin e ekipit tonë. Për momentin nuk ka asnjë akuzë kundër tij”.
Por emri i Tom Craig, sulmuesit të Kookaburras, është bërë i ditur nga gazeta “Daily Telegraph”.
Tabloidi britanik raportoi se 28-vjeçari, mbrëmjen e djeshme, të martën 6 gusht, do të ishte larguar nga fshati Olimpik së bashku me disa shoqërues për të shkuar në Paris.
Ai u kap në flagrancë nga policia, e cila e ndaloi dhe më pas e arrestoi, teksa po përpiqej të blinte kokainë nga një shpërndarës droge në lagjen “Pigalle” të kryeqytetit francez.
Tom Craig, të cilit iu gjet një gram lëndë narkotike, e ndaluar në Francë, u prangos.
Për të, këto në Paris janë Lojërat e treta Olimpike në karrierën e tij pas atyre në Rio de Zhaneiro në 2016 dhe Tokio në 2021 (dhe në Japoni fitoi medaljen e argjendtë). Në këtë Olimpiadë, kombëtarja australiane e hokejit në fushë u eliminua nga Holanda në çerekfinale, ashtu si edhe ajo e femrave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
