Prokuroria e Rrethit Gjyqësor Tiranë, ka nisur veprimet hetimore, në lidhje me faktet e bëra publike mbi rregullshmerinë e veprimeve të kryera, për ndërtimet e planifikuara në Unazën e Re.
“Verifikimi bëhet për veprat penale të Shpërdorimit të detyrës, parashikuar nga neni 248 i Kodit Penal, Falsifikimi i dokumenteve, parashikuar nga neni 186 i Kodit Penal, Shkelje e barazisë në tenderë, parashikuar nga neni 258 i Kodit Penal. Prokuroria shqiptare garanton vlerësimin me objektivitet te fakteve, objekt i këtij hetimi duke kryer veprimet hetimore brenda një afati të arsyeshëm.”- thuhet zyrtarisht nga Prokuroria.
Prokuroria shqiptare garanton vlerësimin me objektivitet të fakteve, objekt i këtij hetimi, duke kryer veprimet hetimore brenda një afati të arsyeshëm.
Më herët Autoriteti Rrugor Shqiptar urdhëroi pezullimin e aktivitetin ndërtimor për lotin Nr.1 të segmentit, që shtrihet nga Ura e Lanës deri tek mbikalimi i sheshit Shqiponja.
Pasditen e sotme, kreu i PD-së, Lulzim Basha, gjatë fjalës në protestën e radhës në mbështetje për banorët e “Astirit”, u shpreh se korrupsioni me projektin e “Unazës së Re” u provua. “Hajduti është Edi Rama. E vërteta triumfoi, por nuk ka përfunduar”,- tha Lulzim Basha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
