.png)
Gazeta Si- Deri në minutën e 95-të Shqipëria ishte jashtë Euro 2024. Më pas goli i Gjasulës në shtesë i dha mundësinë Sylvinhos të qëndronte në garë dhe të shmangte humbjen ndaj Kroacisë që do të eliminonte kombëtaren shqiptare.
Ndaj duhet të presim ende verdiktin e parë të Kampionatit Europian dhe të Grupit B, atë të Italisë së Luciano Spallettit që pret të luajë ndeshjen kundër Spanjës këtë të enjte, 20 qershor.
Dhe fitorja kundër “Furive të Kuqe”, mund t'i çojë menjëherë “axurrët” në raundin e 1/8-ave ose të shtyjë diskutimin e kualifikimit në sfidat e treta dhe të fundit të fazës së grupeve.
Nëse Italia fiton kundër Spanjës...
“Kombinimi” më i thjeshtë është edhe ai më rozë për Italinë: me fitoren ndaj Spanjës, Donnarumma me shokë do të kualifikoheshin menjëherë në 1/8-at. Dhe mbi të gjitha do të kishin sigurinë për të përfunduar në vendin e parë në grup falë ndeshjeve direkte.
Përkthyer: nga më parë, Italia do të përballej me një nga skuadrat më të mira të vendit të tretë (nga grupi A, D, E ose F) në raundin e 1/8-ave. Si e dyta, megjithatë, ajo do të gjente ekipin e dytë të kualifikuar në Grupin A.
Çfarë ndodh në rast barazimi
Megjithatë, me një barazim ndaj Spanjës, kalimi i grupit nuk do të ishte aritmetik menjëherë pas ndeshjes. E vetmja siguri do të ishte që italianët të mos humbnin, sepse – në rastin më të keq – Italia do ta përfundonte grupin e saj në vendin e tretë, nëse humb sonte me Spanjën dhe nëse Shqipëria do t'i thyejë iberikët në 24 qershor.
Kujtojmë se në fazën e 1/8-ave, kualifikohen dy kombëtaret e para nga secili grup, plus katër skuadrat më të mira të vendit të tretë.
Me pak fjalë, me një barazim kundër Spanjës, në ndeshjen e fundit kundër Kroacisë, Italisë i duhet vetëm të mos humbasë për të përfunduar në vendin e dytë në Grupin B.
Por si ndryshon gara për të 18-at në rast humbjeje ndaj Spanjës? Në fakt, nëse “axurrët” do të humbnin kundër Spanjës, para së gjithash do të humbin edhe kryesimin në grup dhe ndeshja e fundit kundër kroatëve do të bëhet një lloj "play-off" për të vazhduar ëndrrat në Gjermani.
Shanset e Shqipërisë për t’u kualifikuar
Barazimi në limite ndaj Kroacisë, mban gjallë shpresat e kombëtares shqiptare për një kualifikim përtej fazës së grupeve të Europianit. Skenar që në letër duket i pamundur, por fusha ka treguar se gjithçka mund të arrihet.
Ndaj ballkanasve, kuqezinjtë shfaqën grintë dhe karakter, ndaj fitorja ndaj Spanjës do të ishte “qershia mbi tortë”, pasi me 4 pikë në total, kuqezinjtë do të ishin minimalisht në vendin e tretë në fund të grupeve, kuotë që sipas gjasave do ta poziciononte në mesin e katër skuadrave më të mira në 6 grupe.
Edhe golavarazhi do të fliste në krahun e Shqipërisë, pasi me një fitore të mundshme ndaj Spanjës, do të rregullonte edhe këtë aspekt që momentalisht gjendet në -1 gol.
Rregullat: si vendosen të tretat më të mira
Krahas skuadrave kryesore të secilit grup, siç u përmend, kualifikohen në fazën tjetër të Kampionatit Evropian edhe katër skuadrat më të mira të renditura të treta.
Këto janë kriteret që merren në konsideratë për të hartuar një mini renditje të vendeve të treta në çdo grup:
-numri më i lartë i pikëve të fituara në fazën e grupeve;
-diferenca më e mirë e golave në fazën e grupeve;
-numri më i madh i golave të shënuar në fazën e grupeve;
-numri më i madh i fitoreve në fazën e grupeve;
-sjellja më e mirë e fer-play-it të grupit:
-çdo paralajmërim: një pikë;
-çdo përjashtim për karton të dyfishtë të verdhë ose përjashtim direkt: tre pikë;
-pozicionin më të mirë në renditjen e përgjithshme të kualifikueseve evropiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
