.png)
Gazeta Si - Anglia e ka nisur me fitore kampionatin europian që po zhvillohet në Gjermani. "Tre Luanët’’ që janë edhe ndër favoritët kryesorë për të fituar Euro 2024, mundën minimalisht 1-0 Serbinë.
Goli i vetëm i takimit dhe vendimtari për tre pikët u shënua nga ylli i Real Madridit, Jude Bellingham. Mesfushori i Realit shfrytëzoi mjaft mirë një krosim të Saka dhe shënoi me kokë.
Serbia në pjesën e dytë rriti nivelin e lojës dhe pati disa raste të mira por pa arritur dot të shënojë. Me këtë fitore Anglia merr kryesimin e grupit C, pasi më herët Sllovenia dhe Danimarka morën nga 1 pikë pas barazimit 1-1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
