.png)
Pavarësisht marrëdhënieve të mira mes dy vendeve, ka pasur dhe një grup tifozësh Italianë që kanë shkuar në Dortmund me synimin për të sulmuar tifozët Shqiptarë.
E përditshmja sportive “Gazzetta Dello Sport” raporton se shërbimi i parandalimit të forcave gjermane të rendit ka ndaluar 50 tifozë italianë në Dortmund pak orë para fillimit të ndeshjes debutuese të Kombëtares Shqiptare.
Tifozët në fjalë kanë qenë të armatosur me thika, bomba artizanale dhe sende të forta dhe kishin si synim të përplaseshin me tifozët shqiptarë.
Deri në orët e mbrëmjes, personat në fjalë kanë qenë në gjendje ndalimi, pasi janë lokalizuar pranë një restoranti me kapuça në kokë. teksa tentonin të gjenin grupe tifozësh shqiptarë për t’i sulmuar. Gjithmonë duke iu referuar “Gazzetta Dello Sport”, tifozët italianë do të mbahen në zyrat e policisë gjermane për 24 orë, më pas situata e tyre do të vlerësohet nga gjykata lokale./Supersport
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
